October 21, 2017

ក្រសួងមហាផ្ទៃ​ត្រៀម​បញ្ជូន​ជនបរទេស​ដែល​សង្ស័យ​​ឃុបឃិត​នឹង​បក្ស​ប្រឆាំង​ទៅ​តុលាការ

នាយក​រដ្ឋមន្ត្រី​ស្តីទី និង​ជា​រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​ពិធី​ប្រកាស​ផ្ទេរ​ភារកិច្ច និង​តែង​តាំង​មុខ​តំណែង​អភិបាល​ថ្មី​ខេត្ត​កំពត នា​សាលា​ខេត្ត​កំពត នៅ​ព្រឹក​ថ្ងៃ​ទី​២២ ខែ​មីនា ឆ្នាំ​២០១៦។ RFA/Yang Chandara

ដោយ អាស៊ីសេរី RFA 2017-10-21

មន្ត្រី​ជាន់ខ្ពស់​ក្រសួងមហាផ្ទៃ អះអាង​ថា បាន​កំណត់​មុខសញ្ញា​ជនបរទេស ដែល​សង្ស័យ​ចូល​មក​ធ្វើ​ចារកិច្ច ឃុបឃិត​ជាមួយ​គណបក្ស​សង្គ្រោះ​ជាតិ ដើម្បី​រៀបចំ​ផែនការ​ផ្ដួល​រំលំ រាជរដ្ឋាភិបាល​កម្ពុជា ដោយ​ត្រៀម​បញ្ជូន​សំណុំរឿង​ទៅកាន់​តុលាការ​ចាត់ការ​តាម​នីតិវិធី​ក្នុង​ពេល​ឆាប់ៗ​នេះ។

រីឯ​មន្ត្រី​ជាន់ខ្ពស់​គណបក្ស​សង្គ្រោះជាតិ​វិញ ថ្លែង​ថា មិន​ចាប់អារម្មណ៍​បណ្ដឹង​ផ្សេងៗ ដែល​ក្រសួង​មហាផ្ទៃ​កំពុង​សម្ដែង​នេះ​ទេ ដោយ​ចាត់ទុកថា ជា​ឈុត​ឆាក​រៀបចំ​ដោយ លោកនាយក​រដ្ឋមន្ត្រី ហ៊ុន សែន ព្រោះ​ដឹង​ថា នឹង​ចាញ់​លទ្ធផល នៃ​ការបោះឆ្នោត​សភា​អាណត្តិ​ទី​៦ ឆ្នាំ​២០១៨​ខាងមុខ។

អគ្គ​ស្នងការ​រង​នគរបាល​ជាតិ នៃ​ក្រសួងមហាផ្ទៃ លោកនាយ​ឧត្ដមសេនីយ៍ ថោង លីម ឲ្យ​ប្រព័ន្ធ​ផ្សព្វផ្សាយ​ដឹង​ថា សមត្ថកិច្ច​បាន​កំណត់​មុខសញ្ញា​ជនបរទេស​មួយ​ចំនួន ដែល​សង្ស័យ​អំពើ​ចារកិច្ច ក្នុង​ប្រទេស​កម្ពុជា ឃុបឃិត​ជាមួយ​បក្ស​ប្រឆាំង ដើម្បី​ផ្ដួល​រំលំ​រដ្ឋាភិបាល​ស្របច្បាប់។

លោក ថោង លីម ឲ្យ​ដឹង​ដូច្នេះ ក្រោយ​បញ្ចប់​កិច្ចប្រជុំ​ក្រុម​ព័ត៌មាន​ទាន់​ហេតុ​ហ​ការណ៍ ឬ​ហៅថា ហតឡាញ (Hotline) រវាង​កម្លាំង​នគរបាល ជាមួយ​ជនបរទេស​មួយ​ចំនួន ដែល​ចូល​មក​ស្នាក់នៅ ឬ​ធ្វើ​ការងារ ក្នុង​ប្រទេស​កម្ពុជា នា​ទីស្ដីការ​ក្រសួងមហាផ្ទៃ កាលពី​ថ្ងៃ ទី​២០ ខែ​តុលា។ ទោះជា​មានការ​អះអាង​បែបនេះ​ក្ដី មន្ត្រី​នគរបាល​ជាតិ​ជាន់​ខ្ពស់​រូប​នេះ មិន​អាច​បញ្ជាក់​ថា មាន​ជនបរទេស​ប៉ុន្មាន​នាក់ និង​ប៉ុន្មាន​ជាតិ​សាសន៍ ដែល​សមត្ថកិច្ច​រក​ឃើញ​មាន​ជាប់​ពាក់ព័ន្ធ ធ្វើ​ចារកិច្ច​ដើម្បី​ផ្ដួល​រំលំ​រដ្ឋាភិបាល​នោះ​ទេ ដោយ​គ្រាន់​អះអាង​ថា ជា​ការ​ងារ​សំងាត់​ប៉ះពាល់​ដល់​សន្តិសុខ​ជាតិ។ ជាង​នេះ ក៏​មិនបាន​ឲ្យ​ដឹង​ថា នឹង​បញ្ជូន​សំណុំ​រឿង​នេះ ទៅ​កាន់​តុលាការ នៅ​ថ្ងៃ​ណា ឲ្យ​ពិតប្រាកដ​នោះ​ដែរ។

មេធាវី​ការពារ​ក្ដី​ឲ្យ​គណបក្ស​សង្គ្រោះ​ជាតិ លោក ជួង ជូងី បដិសេធ​មិន​ធ្វើ​អត្ថាធិប្បាយ​លើ​ករណី​នេះ​ទេ។ ប៉ុន្តែ លោក អេង ឆៃអ៊ាង អនុប្រធាន​គណបក្ស​សង្គ្រោះជាតិ ផ្ដល់​សម្ភាស​ឲ្យ​អាស៊ីសេរី​ដឹង តាម​ទូរស័ព្ទ នៅ​ថ្ងៃ​ទី​២១ ខែ​តុលា នេះ ដោយ​លោក​ចាត់​ទុក​ថា នេះ​គ្រាន់តែ​ជា​ផែនការ​លាប​ពណ៌​រៀបចំ​ដោយ​រដ្ឋាភិបាល លោក ហ៊ុន សែន ព្រោះ លោក ហ៊ុន សែន ដឹង​ច្បាស់​ថា គណបក្ស​ប្រជាជន​កម្ពុជា នឹង​ចាញ់​ការបោះឆ្នោត​សភា​អាណត្តិ​ទី​៦ នៅ​ឆ្នាំ​២០១៨​ខាងមុខ។ លោក អេង ឆៃអ៊ាង ចំអក​ថា រាល់​ថ្ងៃនេះ លោក ហ៊ុន សែន កំពុង​ក្រពុលមុខ​ខ្លាំង ទើប​បង្កើត​ឲ្យ​មាន​ព្រឹត្តិការណ៍​ប្ដឹង​ចោទ មេដឹកនាំ​គណបក្ស​សង្គ្រោះជាតិ​ជា​បន្តបន្ទាប់ រហូតដល់​ប្ដឹង លោក កឹម សុខា ថា​បាន​ឃុបឃិត​ជាមួយ​បរទេស​ផ្ដួល​រំលំ​រដ្ឋាភិបាល ដើម្បី​រំលាយ​គណបក្ស​សង្គ្រោះ​ជាតិ មុន​ការបោះឆ្នោត​ចូល​មក​ដល់។

បន្ថែម​លើ​នេះ លោក អេង ឆៃអ៊ាង ចាត់​ទុក​សកម្មភាព​របស់​រដ្ឋាភិបាល លោក ហ៊ុន សែន ពិសេស​ស្ថាប័ន​តុលាការ រដ្ឋសភា និង​ព្រឹទ្ធសភា​ជាដើម ថា​កំពុង​អនុវត្ត​តួនាទី​តាម​បង្គាប់បញ្ជា លោក ហ៊ុន សែន ហើយ​លោក​អះអាង​ថា គណបក្សប្រឆាំង នឹង​ប្រើប្រាស់​គ្រប់​មធ្យោបាយ ដើម្បី​ការពារ​ឆន្ទៈ​ប្រជាពលរដ្ឋ និង​ផ្ដល់​ក្ដី​សង្ឃឹម​ជូន​ម្ចាស់​ឆ្នោត ដែល​ផ្ដល់​សេចក្ដីទុកចិត្ត​ជូន​គណបក្ស​សង្គ្រោះជាតិ។

លោកនាយក​រដ្ឋមន្ត្រី ហ៊ុន សែន នា​ឱកាស​ចុះ​ជួប​កម្មករ​កម្មការិនី​រាប់​ម៉ឺន​នាក់​ក្នុង រាជធានី​ភ្នំពេញ​ថ្មីៗ​នេះ បាន​បញ្ជា​ឲ្យ​អគ្គស្នងការ​នគរបាល​ជាតិ អគ្គនាយកដ្ឋាន អន្តោប្រវេសន៍ និង​ក្រសួង​ការបរទេស ស្រាវជ្រាវ​វត្តមាន ជនជាតិ​អាមេរិក​ទាំងឡាយ ដែល​សង្ស័យ​បាន​ចូល​មក​ធ្វើ​ចារកម្ម នៅ​ពីក្រោយ​ព្រឹត្តិការណ៍​តវ៉ា​ឆ្នាំ​២០១៣ ដើម្បី​ឲ្យ​ដឹង​ថា មាន​ជនជាតិ​អាមេរិក​រូប​ណាខ្លះ បាន​ចូល​មក​កម្ពុជា។

ករណី​នេះ សមាគម​អង្គការ​សង្គម​ស៊ីវិល និង​សហគមន៍​អន្តរជាតិ​មួយ​ចំនួន បាន​ចេញ​សេចក្ដីថ្លែងការណ៍​រួមគ្នា​សំដែង​ការ​ព្រួយ​បារម្ភ ចំពោះ​បណ្ដឹង​រំលាយ​គណបក្ស​សង្គ្រោះជាតិ ចោទ​ពី​បទ ថា បាន​រៀបចំ​ផែនការ​ជាមួយ​បរទេស ផ្ដួល​រំលំ​រដ្ឋាភិបាល។ អង្គការ​ទាំងនោះ​ចាត់​ទុក​ថា បណ្ដឹង​រំលាយ​បក្ស​ប្រឆាំង របស់​រដ្ឋាភិបាល លោក ហ៊ុន សែន ថា ជា​រឿង​នយោបាយ និង​ជា​ការ​មិន​គោរព​ឆន្ទៈ​ពលរដ្ឋ​ប្រមាណ ៣​លាន​នាក់ ដែល​បាន​បោះឆ្នោត​គាំទ្រ​បក្ស​សង្គ្រោះជាតិ៕

6 comments:

Narin Vong said...

CNRP leaders already know that they have no ability to win the case for Sokha and others, all they do is to give up fighting and keep complaining like a small child. This is the irrational thinking of these leaders.

For the rational people, they will have to participate in the political and the judicial processes, whether loosing or winning. But not for these leaders including Rainsy, they keep saying that they wanted democracy, but they are doing absolutely nothing to make it happen.

At the same time, they are asking also for respect. Question as always, what have they done to earn respect. They stabbed each other on the back and they have conspired with others to break the law, but they still pretend that they are helping us.

Get in the game and show us that you are serious about helping the nation.

O_O said...

LET'S ME MAKE YOU (CNRP) CLEAR PEOPLE STUPID LEAD BY DUMB LEADERS OF CNRP. ALEV

sam said...




Only yuon can win their cases in the kangaroo Khmer court.


Chun Sokha said...

If CPP have evidence they take those foreigners to Court in the Country where they are from , but if they take them to Kangaroo Court , I believe it is just a drama that has been created by Hun Sen .

KhmerBTB said...

Some people probably know who ALEV is in Khmer folktale . He is so naïve , he doesn't have any education and if you tell him to jump into the water he will do so even he can't swim . The person above wont call himself ALEV without a reason .

Kim Ea said...

This is the last breath of puppet Yuan mafia regime . Colonialism of Vietnam in Khmer nation are complete sooner without any reciprocal affected . This is a death sentence of Khmer nation by Yuan brain in Khmer skin now .